Ricette

Appuntamenti Gastronomici

Menu 25€

Menu 30 € e € 40

Dove siamo e    
come raggiungerci    

Filmati

LINK

chiuso il lunedi e il sabato a mezzogiorno

  «Gina, Gina, stavolta chi el risott 
     voeui cural mi. Prepara bella netta
     la padella, che sem in sett o vott.
     El broeud te ghe l’ee bon ? Sì ? De manzetta ?
     Famel on poo saggià. Bon, bon, va là,
     sent che odorin ? El fa resuscità.

  El ris l’è del vialon rivaa su jer ?
     L’è mondaa ? Torna a dagh ona passada.
     Sù, sù, mett in padela el to butter
     e on tochell de scigola ben tridada.
     Mett a foeugh, fà tostà movend sul fond
     cont el cazzuu a fal de color biond.

  Dent el ris. Ruga. Bagnel cont el vin
     bianch, magher (mezz biccer). Dent el zaffran.
     Ruga. Fagh sugà el vin. Sent che odorin !
     Sugaa ? Giò el broeud da man a man.
     Boffa sott che’l dev buj a la più bella
     de sentil a sparà in de la padella.

  Bagnel del tutt e rangiel giust de saa.
     Lassel coeus. Brava. Gratta giò el granon.
     Oi, oi sott, sotta foeugh chel s’è incantaa.
     Gina che risottin, che odor de bon !
  Ten rugaa veh ! Adasi e dappertutt.
  Varda, l’è quasi all’onda, on cinq minutt.

  Giò che l’è pront. L’è moll ? Fa nient, el ven.
     Dent el grana abbondant e on bell tocchell 
     de butter peu mantecchel ben, ben, ben,
     menand sù svelt che’l ven e bon e bell.
     Quest chi sì l’è on risott che var la spesa,
     on risott propi faa a la milanesa !

  Cott al punt, mantecaa a la perfezion,
     bell, mostos, el te fà resuscità
     anca on mort ch’è crepaa d’indigestion.
     Tirel giò e mett on tavola che in là
     con tant d’oeucc e sospiren guardand chi.
     Servel, che vegni subit anca mi».

Trattoria Casa Fontana · 23 Risotti Piazza Carbonari 5 · 20125 - Milano - tel. 02 6704710 (angolo Via Boschetti vicino al quotidiano Avvenire) E-mail: trattoria@23risotti.it